Ermenistan Respublikasynyň Daşary işler ministriniň orunbasary M.Safarýan bilen duşuşyk barada

2024-nji ýylyň 17-nji ýanwarynda Türkmenistanyň Ermenistan Respublikasyndaky Adatdan daşary we Doly ygtyýarly Ilçisi M.Aýazow Ermenistan Respublikasynyň Daşary işler ministriniň orunbasary M.Safarýan bilen duşuşdy.

Duşuşygyň dowamynda ikitaraplaýyn gün tertibiniň meseleleri, şol sanda iki ýurduň arasyndaky söwda-ykdysady, medeni-gumanitar, ulag-aragatnaşyk, ylym-bilim babatyndaky hyzmatdaşlyk meseleleri, şeýle hem ikitaraplaýyn resminamalaryň taslamalary ara alnyp maslahatlaşyldy.

Ilçi M.Aýazow Türkmenistanda 2024-nji ýylyň «Pähim-paýhas ummany - Magtymguly Pyragy» şygary astynda geçjekdigi we ilçihananyň Magtymguly Pyragynyň doglan gününiň 300 ýyllygy mynasybetli bu şanly senä bagyşlap konferensiýalary, Türkmenistanyň medeniýet we sungat işgärleriniň konsertlerini we beýleki çäreleri geçirmegi meýilleşdirýändigi barada habar berdi.

Taraplar şeýle hem, Ykdysady hyzmatdaşlyk boýunça hökümetara türkmen-ermeni toparynyň nobatdaky mejlisini geçirmek baradaky meseläni ara alyp maslahatlaşdylar.

Duşuşygyň dowamynda şeýle hem beýleki meseleleriň üstünde durlup geçildi.